Banjarnegara Duwe Papan Wisata “Surya Yudha Sport Center”

Papan Wisata ingkang mapan wonten ing Banjarnegara “Surya Yudha Sport Center” ingkang mapan Jl. Raya Rejasa - Banjarnegara  utawi ingkang wonten ing iring kidulipun Pusat Bank Surya Yudha sansaya narik wisatawan. Sanajan papan wisata menika tasih enggal, nanging papan wisata menika sampun dipun kenal dhateng masarakat sakitaripun.

Papan Wisata ingkang dipun resmikaken 15 Mei 2010  menika wiwitipun namung wonten Sport Center saha Hotel, nanging papan menika ngalami ewah-ewahan. Inggih wonten tambahan wisata inggih wonten Water Park saha Karoke. Hotel menika nggadhahi fasilitas Restaurant, Fitness Center, Kamar, MICE. Menawi Sport Center inggih wonten warni-warni papan kangge olahraga inggih  Futsal, Volley Indoor, Volley Ourdoor, Tennis, Tenis Meja, Badminton, Billyard, Golf. Lajeng menawi Wark Parkipun wonten Water Boom, Kolam Tsunami, Kolam Arus, Terapi Ikan, Arum Jeram, Outbound, Flying Fox, Amazing Land.

Sakmenika Surya Yudha Hotel nggadhahi  94 kamar inggih menika 8 ruang standar, 22 ruang superior, 45 ruang deluxe, 9 ruang executive, 5 ruag kaluwarga, 4 royal suite room, lan 1 president suite room. Hotel menika ugi dipun jangkepi minangka papan kangge dhahar (resto saha kafe). Lajeng kangge kabetahan bisnis, sosial saha akademik, Surya Yudha ugi nyediakaken ruangan kangge miting kanthi kapasitas 25 dumugi 250 tiyang. Kangge kabetahan ingkang sanes, udi dipun caosi wonten ingkang kapaistasipun 1000 tiyang inggih wonten ing Goldenball Room.

Minangka lebaran kepengker menika papan wisata surya Yudha Sport Center menika dados salah satunggaling papan wisata ingkang dipun remeni masarakat sakitaripun, mboten namung masarakat Banjarnegara nanging masarakat saking tlatlah sanes inggih ugi sami wisata wonten papan menika. Kados salah satunggaling Mahasiswa Universitas Negeri Yogyakarta inggih Ayu Kurniawati (19) ingkang aslinipun saking Wonosobo, mratelakaken bilih dinten lebaran menika sakluwarga ugi wisata wonten Surya Yudha Sport Center.

Waterboom kanthi warni-warni ukuran sarta kainggilan minagka jeronipun inggih wiwit 10 cm, 20 cm, 40 cm, 80 cm, saha 150 cm, ember tumpah, area kangge dolanan lare, saha wonten ugi kolam kangge mincing inggih kolam pancing air tawar. Regi mlebetipun wonten Water Park menika menawi dinten biasa namung Rp. 15.000,00 saben tiyang. Dene wulan lebaran menika reginipun karcis ingkang biasanipun anmung Rp.15.000,00 saben tiyang  sakmenika lebaran dados Rp.30.000,00 saben tiyang. Kepara malah Ayu mratelakaken bilih H + 1 lebaran lan H + 2 lebaran menika regi karcis mindhak dados Rp.50.000,00.

Sanajan papan menika dipun mangertosi bilih papan wisata ingkang enggal, nanging Surya Yudha Sport Center menika kalebet papan ingkang nggadhahi ewah-ewahan ingkang sae, buktinipun ingking saking kathahipun wisatawan ingkang nikmati fasilitas ingkang sampun dipunsediakaken, ingkang utama inggih wahana banyunipun. Papan wisata banyu menika kaajab saged nambah remenipun wisata ing Banjarnegara saha sakitaripun minangka salah satunggaling wisata banyu ingkang ngremenaken. Lajeng ingkang saweg dibangun wonten Surya Yudha Sport Center sakmenika inggih wisata haji kanthi fasilitasipun manasik Haji.

Dening: Vika Oktaviani (11205244035), PBD Kelas G 2011.